Heiðarskóli

  • Heiðarskóli
Fimmtudagur, 17. maí 2018

Survivordagurinn var haldinn í Álfholtsskógi s.l. þriðjudag. Veðrið var mjög fjölbreytt; snjókoma,slydda, rigning, sólskin, rok og logn en börnin létu það ekki á sig fá og stóðu sig með stakri prýði í skemmtilegum ratleik í skóginum. Börnin unnu saman í aldursblönduðum hópum og leystu þrautir og unnu verkefni sem tengdust lýðheilsu s.s. tannvernd, sköpun, hreyfingu, andlegri líðan, forvörnum, hvíld, samvinnu og næringu. Eftir ratleikinn voru grillaðir hamborgarar og í lokin sýndu hóparnir leikföng sem þeir höfðu hannað úr verðlausu efni.

  • Heiðarskóli
mánudagur, 14. maí 2018

Nemendur í 1. bekk fengu gefins hjálma frá Kiwanis á dögunum. Börnin fengu einnig fræðslu um mikilvægi þess að nota hjálm. Ekki var annað að sjá en börnin fylgdust spennt með fræðslunni og væru ánægð með hjálmana sína. Við færum Kiwanis og Hildi Karen bestu þakkir fyrir fræðsluna og hjálmana. 

  • Heiðarskóli
Miðvikudagur, 2. maí 2018

Dagana 2., 3. og 4. maí eru svokallaðir vorskóladagar í Heiðarskóla. Þá mæta nemendur sem verða í 1. bekk á næsta skólaári í skólann, 10. bekkurinn er í starfsnámi og aðrir bekkir færast upp um einn bekk og máta sig við skipulagið næsta vetur. Í myndaalbúm eru komnar myndir frá skólastarfinu í dag. 

Miðvikudagur, 25. apríl 2018

Í upphafi vikunnar hófst þemavinna í Heiðarskóla sem allur skólinn tekur þátt í, þema sem stuðlar að bættum skólabrag og við köllum "ENN BETRI SKÓLABRAGUR". Það er von okkar og trú að þemavinnan verði bæði skemmtileg og gagnleg. Markmiðið er að minna okkur öll á að koma vel fram við hvert annað og að við vitum ekki allt um náungann og því svo þarft að virða líðan allra. Þemaverkefnið er í samstarfi við samtökin Erindi sem útbúið hafa efni sem gengur út á samskipti, vináttu, jákvæðni og gleði. Í myndaalbúm eru komnar myndir frá mánudeginum. 
 

  • Heiðarskóli
Miðvikudagur, 25. apríl 2018

Í dag var haldin umhverfisráðstefna Heiðarskóla í tilefni af DEGI UMHVERFISINS. Ráðstefnan hófst á fróðlegu innleggi frá umhverfsinefndinni um umhverfisvænar vörur sem hægt er að velja í stað þeirra sem eru framleiddar úr plasti. Starfsmenn skólans og Verslunin Kaja á Akranesi sáu um að lána skólanum vörurnar sem verða svo til sýnis í glerskáp á efri hæð skólans á næstunni. Færum við þeim bestu þakkir fyrir. Umhverfsinefndin kynnti svo nýjan umhverfissáttmála skólans: 

GERÐU ÞAÐ SEM ER BEST FYRIR UMHVERFIÐ - EKKI ÞAÐ SEM ER AUÐVELDAST :)

Pages